Kometo di 1702

Kometo di 1702, kometo C/1702 H1, esis unesmafoye vidata ye 20 di aprilo 1702 .

Ol deskovresis da Italiana astronomi Francesco Bianchini e Giacomo Filippo Maraldi. La kometo situesis proxim la horizonto ed aspektis quale nebuloza stelo. Ol esis lastafoye vidita da ili ye 5 di mayo di ca yaro. Bianchini, inter altraji, studiis la planeto Venuso; Maraldi studiis la planeto Marso dum multa yari.

Ye 21 di aprilo la kometo di 1702 esis vidata da Germana astronomo Maria Margarethe Kirch. El esis la unesma muliero qua deskovris kometo. Elua spozulo Gottfried Kirch, qua esis astronomo e kompilisto di kalendarii, e qua ja deskovrabis plura kometi, publike asertis, ke il ipsa deskovris ca nova kometo, ma en 1710 il agnoskis, ke Maria esis la deskovrinto.