Knut la 3ma Hardeknut

Knut la 3ma Hardeknut ('hardanodo'; en la Dana Hardeknud, en l'Angla Harthacnut) esis rejulo di Dania (1035-1042) ed Anglia (1040-1042).

Hardeknut esis filiulo di Knut la Granda (knut 'nodo'), qua regnis de 1016 til 1035. Knut venis de Dana rejala familio, ed il esabis rejulo anke di Dania e Norvegia.

Ye la 8ma di junio 1042 Hardeknut mortis evante cirkume 24 yari, dum ke il esis drinkanta ye mariajo-celebro. Il esis severa e despopulara rejo. Rumoro esis ke il esis venenagita. Kun la morto di Hardeknut, la rejala familio de Dana decendo en Anglia extingesis. La sequanta rejo, evante cirkume 40 yari ye entronesko, esis Edward la Konfesanto; ilua genitori esis antea Angla rejo Ethelred (qua regnis 978-1013), ed Emma filiino di duko Richard la 1ma di Normandia. Edward, qua pasis la plu multa di sua frua yari en Normandia, ne expektis divenar rejo di Anglia.