Karabash

Por altra loki nomizita 'Karabash', videz Karabash (homonimo).

Karabash
Карабаш
– urbo –
Standardo	Blazono
Lando	Rusia
Kodexo OKATO	75415000000
Informo:
Fondita ye:	1822
Urbala legi ye:	1933
Altitudo	350 m
Surfaco	111,9 km²
Habitanti	10 756 (2020)
Denseso di habitantaro	15,68 hab./km²
Horala zono	UTC+5
Telefonnumero	+7 35153
Postkodexo/i	456140-456144
Registragilo/i	74
Mapo:
55°29'00"N, 60°12'00"E
di Rusia:
• Karabash
di provinco Chelyabinsk:
• Karabash
Oficala retosituo: karabash-go.ru

Karabash (olim Soimanovski) esas urbo jacanta apud rivero Sak-Elga, en westala Rusia (sudal Ural). Ol jacas en provinco Chelyabinsk e esas un ek lua distrikti. Segun statistiki dil yaro 2020, ol havis 10 756 habitanti. Lua tota surfaco esas 686 km², ed ol distas cirkume 1410 kilometri este de Moskva.

Etimologio dil nomo

La vorto Karabash devenar de turka lingui. Kara konocas ide nigra, e bash – kapo.

Historio

Ye la 19ma yarcento, che valo di rivero Sak-Elga, on trovis jaceyi di kuprala erci. En 1837 kreesis l'unesma kuprofuzeyo, qua klozesis pos 5 yari. La duesma apertesis en 1907, e esis komprita ye sama yaro da Britaniana kompanio lor direktita da Skota injenioro Leslie Urquhart. La fabrikerio laboris nur dum 3 yari. En 1910 on kreis sequanta kuprofuzeyo, qua 5 yari pose produktis 30 % di tota Rusa [[kupro]. Pos oktobra revoluciono di 1917, la fabrikero nacionaligesis, e funcionis dum omna yari di Sovietia. En 1980, pro ago di tale nomizita AZ "Karabashmed", l'ekologiala situaciono esis tante desbona ke urbala plantaro komencis mortar. On klozis la fuzeyo erst en 1989. Konseque, la habitantaro diminutis. Pro granda chomeso, en 1998 regionala autoritati permisis nova proprietanto apertar la fabrikerio. Malgre ica fakto, la habitantaro dil urbo konstante diminutis: en 1989 esis 17 006 personi, en 1998 esis 14 500, ed en 2020 esis nur 10 756. Ye omna yaro "Karabashmed" exhalas 180 tuni di gasi.

Fotografuri

• 
• 
• 
•