Jef Last
| Jef Last | ||
.jpg)
| ||
| Profesiono: | skriptisto, HBTI-aktivisto | |
| Lando: |  Nederlando
| |
| Naskodato: | 2 di mayo 1898 | |
| Nasko-loko: | Den Haag, Nederlando | |
| Mortodato: | 15 di februaro 1972 | |
| Morto-loko: | Laren, Nederlando | |
Josephus Carel Franciscus (Jef) Last (n. Den Haag, la 2ma di mayo 1898 – m. Laren, la 15ma di februaro 1972) esis Nederlandana revolucionero, poeto, prozisto, tradukisto e voyajero.
Jef Last ekvenis katolika familio e divenis socialisto. Pos cesar laborar, il komencis voyajar e skribar libri, precipue poemi ma anke romani per qui il obtenis nacionala famo, interaltre Partij remise (1933) e Zuiderzee (1934).
En 1936 il voyajas kun grupo de Franca socialisti a la Soviet-Uniono. Il esis bona amiko de André Gide, ed amba travidis la soviet-propagando prizentit a li, ed ambe retrovenis deceptite de la voyajo.
Il luktis kun l'Internaciona Brigadi en Hispania ye latero di la Hispana Republiko, kontre la fashistala partiso di generalo Franco. Il perdis sua Nederlandana civitaneso pro kombatir en stranjera armeo.
Pos retroveno en Nederlando il devis celar su en 1940 pro sua partopreno en l'interna milito di Hispania. Pos la Duesma Milito Mondal il retrorecevis sua Nederlandana civitaneso.
Inter 1950-1953 il lojis en Indonezia (Singaraja, Bali) ube il docis en sekundara skolo. Il esis amiko di Sukarno e Mohammad Hatta.
Jef Last konsideris su bisexual. Il esis kunfondinto di la "Shakespeare-klubo" (la 7ma di decembro 1947) qua aspiris l'emancipigo di homeosexuali. La temo homeosexualeso ofte pleas rolo en ilua libri.