Jean-Baptiste Lully
Profesiono: kompozisto
Lando: Francia ed Italia
Naskodato: 28 di novembro 1632, 1631
Nasko-loko: Firenze, Granda-Dukio di Toskania
Mortodato: 22 di marto 1687, 1686
Morto-loko: Paris, Francia

Jean-Baptiste Lully (originale Giovanni Battista Lulli) (n. ye la 28ma di novembro 1632 – m. ye la 22ma di marto 1687) esis Franca ed Italiana kompozisto. Maxim granda parto de sua vivo ilu laboris en la korto di Louis la 14ma. Lully havis la nacionaleso Franca depos 1661.

Ye la 16ma di marto 1653 la kompozisto Lully, lor evante 20 yari, nominesis Compositeur de la musique de chambre du roi da la rejulo Louis la 14ma. Tale komencis ilua distingita kariero. Naskinte en Firenze, il esis filiulo di muelisto. En 1646 il deskovresis da Roger de Lorraine, Kavaliero di Guise, qua remarkis ilua muzikala genio, e qua duktis il a la dukino di Montpensier (nevino di rejulo Louis la 13ma) en Francia. Ilu rezidis che el kom servanto e gitaro-pleinto. Kelka yari pose il esis en la servado di Louis la 14ma. Ilu dansis en baleti por la rejulo e kompozis baletomuziko; to ganis la atenco di la rejulo, e la oficala nomineso. En sequanta yari Lully kompozis multa baleti, en qua la rejulo ofte dansis kun il.