Israelan-Libanana konflikto

L'Israelan-Libanana konflikto esas serio de militala konfronti inter Israel, Libano-bazizita mi-militerala grupi e kelkafoye Siria. La konflikto atingis somito dum l'interna milito di Libano. Respondante la Palestinan ataki de Libano, Israel invadis Libano en 1978 e 1982. Pos l'invadi Israel okupis sudala Libano til 2000, dum kombatar gerilo-konflikto kontre shia mi-militeri. Pos retreto di Israel, ataki da Hizbola incitis la milito di Libano en 2006. Nova yaro de konflikto komencis en 2023 sequanta l'atako di Israel da Hamas ye la 7ma di oktobro 2024. Pos bombardi di Israel da Hizbola, Israel explozigis personserchili e walkitalki uzata da Hizbola, sequata da bombardi di Hizbola tereni e la chefa kontoro di Hizbola (en Beirut), dum qua mortis Hasan Nasrala la duktero di Hizbola.

Yardeki-longa konflikti inter Israel e Libano

• la 24ma di oktobro 1943: Libano nedependanta de Francia
• mayo 1958: Islamani revoltas
• la 13ma di aprilo 1975: Konflikti inter religiala grupi duktas ad interna milito
• somero 1982: Israelana diplomacisto ocidesis en London, Israel invadas Libano
• la 22ma di oktobro 1989: Paco-pakto di Taif finigas interna milito di Libano
• 1992: Hizbola, grandeskinta dum l'interna milito aktiveskas politikale
• la 24ma di mayo 2000: Israel retretas de Libano
• la 12ma di julio 2006: Hizbola gajo-homigas du Israelana soldati, Israel atakas Libano
• 2019-2021: Politikala destranquileso en Libano, explozego en portuo di Beirut, krulo di la Libanan ekonomio
• la 7ma di oktobro 2023: Hizbola suportas atako da Hamas, ne implikigas su
• septembro 2024: explozanta personserchili di Hizbola-membri, minaco di nova milito
• 1ma di oktobro 2024: ter-atako di sudala Libano da Israel