Intifada

Intifada (signifikas: de-sukuso/for-sukuso) esis revolto en la Palestinana teritorii okupata da Israel, qua komencis en 1987. La maxim important internaciona konsequajo esis ke la publik opiniono olime favoroze ad Israel komencis chanjar desfavoroze. Un kauzo esis la moyeni quin aplikis l'Israelan armeo kontre la violentaji da Palestinani.

En 1987 l'unesma revolto (Unesma Intifada) komencis en la Palestinana teritorii. Ol duris til cirkume 1993 pos qua signatesis l'Interkonsenti di Oslo.

En 2000 on uzis la termino Duesma Intifada kande rikomencis la konflikto inter Palestinani ed Israel pos vizito di la Templomonto (Haram al-Sharaf) en est-Ierusalem da Ariel Sharon dum ilua kampanio elektal. Anke referesas a ca revolto kom Intifada di Al Aksa od Aksifada, referante la moskeo Al-Aksa qua konstruktesis sur la Templomonto.

E pluse existas l'elektronal Intifada, termino uzata por reciproka ciber-ataki da Israelan e Palestinana komputor-kriminanti.