L'imperio Songhai esis stato qua existis an westala Sahel dum la 15ma e la 16ma yarcenti. Dum lua apogeo, ol esis un ek la maxim vasta stati de Afrika. Lua nomo devenas de lua dominacanta etniala grupo, le Songhai. Lua unesma rejulo, Sonni Ali, establisis lua chef-urbo en Gao, urbo nun apartenanta a Mali. Altra importanta urbi esis Timbuktu e Djenné.

L'imperio Songhai, cirkume 1500.
Tumulo dil imperiestro Askia, en Gao.

Dum la duesma duimo dil 13ma yarcento, Gao e lua vicineso kreskis, ed atraktis l'intereso dil imperio Mali, qua okupis la regiono dum la fino di ca yarcento. Gao restis parto de Mali til fino di la 14ma yarcento, kande komencis la krulo dil imperio. Samatempe, le Songhai prenis kontrolo di la regiono.

Dum la regno di Sonni Ali, l'imperio Songhai superiris l'antea imperio Mali en surfaco totala, richeso e povo. La sucedinto di Ali, Sonni Bāru, esis min sucesoza, e revokesis da Muhammad Ture, qua divenis rejulo kun nomo Askia Mohammad la 1ma.

L'imperio Songhai destruktesis pos invado da Marokana trupi, komandita dal eunuko Judar Pasha.