Hvaldimir
Hvaldimir esis belugo deskovrit en aprilo 2019 da peskisti che Hammerfest en la nordo di Norvegia. La baleno portis kuraso equipita de kamero kun skriburo en la Rusa, olqua forigesis, e restis en la cirkumajo proxim homi quin ol kustumis. On supozas ke koncernis belugo qua edukesis en Murmansk da la rusa mararmeo por spionar. Olua nomo esis Hvaldimir, asocianta kun la Norvegiana vorto "hval" (baleno) e Vladimir Putin, la nomo di la prezidanto di la Rusa Federuro.
La 31ma di agosto 2024 Hvaldimir trovesis mortinte en la Gulfo di Risavika proxim Stavanger (Norvegia). Il havis bastono de 35 centimetri fixeskint en la boko. La bastono probable efektigis vunduri qui infekteskis. La kombino ne plu povir manjar, quo febligis l'animalo ed infekto mortigis Hvaldimir[1].