Honshu
Honshu (Japoniane 本州, Honshū) historiale nomizita Hondo (本土, "kontinentala") esas la maxim granda e la maxim populoza insulo di Japonia. Ol lokizesas sude de Hokkaido - separata de ol dal stretajo Tsugaru -, norde de Shikoku, e nord-este de Kyushu. L'insulo separas Maro di Japonia, norde de ol, del Oceano Pacifiko, sude. Havanta entote 227 960 km², ol esas la 7ma maxim granda insulo e la 2ma maxim populizita de la mondo, dop Indoneziana insulo Java.
En 2017, Honshu havis entote 104 milion habitanti, di qui la maxim multa habitas la litoro e plana arei. Cirkume 30% de lua habitantaro rezidas en la metropolala regiono di Tokyo, an la planajo Kantō. Ultre Tokyo, altra historiala chef-urbi di Japonia, inkluzite Kyōto, Nara e Kamakura, jacas ibe.