Historio di Miami, Florida
Komence, indijeni Tequesta habitis dum plu kam mil yari l'areo en qua urbo Miami, Florida fondesis. Pedro Menéndez de Avilés e lua kruo esis l'unesma Europani qui vizitis l'areo proxim Miami, e revendikis ol por Hispania en 1566. Hispana misiono establisesis un yaro pose. Fort Dallas konstruktesis dum la meza yari 1800a, e pose esis loko di batalii dum la duesma milito Seminole.
Dum l'unesma yari di sua expanso, l'areo di Miami esis maxim konocata kom "komtio Biscayne Bay". Raporti publikigita ca epoko deskriptis l'areo kom "vilda loko kun multa potencialo".[1][2] Tamen, tale nomizita "Granda Frostigo" (Great Freeeze) eventinta en 1894 chanjis omno, e la plantacerii en Miami esis le singla qui transvivis. Julia Tuttle, oranjo-plantacero, konvinkis Henry Flager, prezidanto di multa fervoyala societii, ke lu expansez "Florida estal rivala ferovoyo a Miami". Ye la 28ma di julio 1896, Miami oficale divenis urbo kun nur 300 habitanti.
Miami prosperis dum la yari 1920a, ma la prospero febligis pos l'uragano di 1926 e pose dum la yari 1930a dum la granda depreso ekonomiala. Kande la Duesma mondomilito komencis, Miami, pro sua bona lokizo an la suda rivo di Florida, havis importanta rolo en la batalio kontre Germana submara navi. La milito pluse grandigis la habitantaro di Miami a preske 500 000. Pos la komenco di la guvernerio di Fidel Castro en 1959 multa Kubani enmigris a Miami, plugrandigante la populo. Dum 1980a e 1990a yari kelka altra krizi eventis en suda Florida, inkluzante la batado di Arthur McDuffie e la tumulto qua sequis, militi di drogi, Uragano Andrew e la kontroverso pri Elián González, ma Miami transiris ta problemi e nun esas majora financala e kulturala centro.
Frua habitado
redaktarLa maxim frua evidentajo di indijena habitado en la regiono di Miami esis 10 000 yari ante nun. [3] La unesma habitanti lojeskis en la rivi di la Miami Rivero. La precipua vilaji esis en la norda parto di la rivero. La frua indijeni kreis varioza armi ed utensili per skalii. [4]
La habitanti di Miami qui l'unesma Europani vizitis esis la Tequesta, qui havis sua areo kovrante multa de sudesta Florida, inkluzite la nuna loki di la komtii Miami-Dade, Broward, e la suda parto di la komtio Palm Beach. L'indijeni Tequesta peskis, kaptis e kolektis por sua manjajo, ma havis nula agrokultivo.
Frua Hispana habitado
redaktarEn 1513, Juan Ponce de León esis l'unesma Europano qua vidis l'areo di Miami pos enirar la bayo di Biscayne. Lu skribis en sua jurnalo ke lu arivis a "Chequescha", qua esis l'unesma nomo skribita pri Miami. [5] Esas ne-savata ka lu venis a la rivo e vidis l'indijeni o ne. Pedro Menéndez de Avilés e sua viri igis l'unesma arivo kande li vizitis la Tequesta habiteyo ye 1566 trovante la perdita filiulo di Avilés, qua perdis sua navo un yaro antee. [6] Hispana soldati duktita da Patro Francisco Villiareal konstruktis Jezuita misiono ye la boko di la Miami Rivero un yaro pose ma olu ne existis longatempe. En 1570 la Jezuiti decidis trovar plu bonvenanta personi exter Florida. Pos la Hispaniani ekiris ad altra loko la Tequesta indijeni sole mustis kombatar kontre morbi kom variolo, introduktesis da la Europani. Militi kun altra tribui multe febligis sua populo, ed en batalii li facile vinkesis da la Creek Indijeni. En 1711 la Tequesti sendis kelka chefi a Havana, Cuba por questionar ka li darfas ekmigrar ibe. La Kubani sendis du navi por helpar li, ma la morbi de Hispania venis e preske omna indijeni mortis. [7] La Hispaniani sendis altra misiono a Biscayne Bayo ye 1743, ube li konstruktis fuorto e kirko. La sacerdoti di la misiono propozis permananta habiteyo en qua l'enmigranti de Hispania facus manjajo por la soldati ed indijeni di Amerika. Tamen, ta propozo ne aceptesis kun la motivo ke ol esas tro komplikata, e la misiono finis ante la fino di ta yaro. [8]
20ma yarcento
redaktar
Miami kreskis rapide til la duesma mondomilito: en 1900 ol havis 1 681 habitanti; en 1910 ol havis 5 471 habitanti; ed en 1920 29 549 habitanti. Kun la movado di mili di personi vers la regiono la neceseso di landi por konstruktar divenis videbla. Til ta epoko, la regiono di Everglades jacis nur 5 km de la Bayo di Biscayne. En 1906 on komencis konstruktar kanali por drenar ta regiono. La nukleo di Miami Beach aparis en 1913 ed ye la 26ma di marto 1915 ol divenis urbo. Dum komenco di la yari 1920a, l'autoritatozi di Florida laxigis alkoholajala interdikto, tale multa personi de altra Usana stati enmigris vers la regiono.
Noti e referi
redaktar- ↑ "The Day in St. Augustine — The Hack Line to Biscayne Bay" - Publikigita da Florida Times-Union. Dato di publikigo: 10ma di januaro 1893. Loko di publikigo: Jacksonville, Florida.
- ↑ Historical Museum of Southern Florida -
URL vidita ye 22ma di junio 2006.
Segun on povas lektar en la texto: The area was also characterized as “one of the finest building sites in Florida.” - ↑ Parks, Arva Moore. Miami: The Magic City. Miami, Fl: Centennial Press, 1991. ISBN 0-9629402-2-4 p 12.
- ↑ "Prehistoric Indians." - URL vidita ye 29ma di januaro 2006.
- ↑ Parks, p 13
- ↑ Parks, p 14
- ↑ Parks, p 14-16
- ↑ Sturtevant, William C. (1978) The Last of the South Florida Aborigines, in Jerald Milanich and Samuel Proctor, Eds., Tachagale: Essays on the Indians of Florida and Southeastern Georgia during the Historic Period. Gainesville, Florida, The University Presses of Florida.
Extera ligili
redaktar
|
Ica pagino uzas kontenajo del Angla Wikipedio. On povas trovar l'originala artiklo ye en:History_of_Miami,_Florida; ol uzesas segun la GFDL-reguli. |