Hamburgero

Hamburgero esas disko de bakit o grilita hachita karno (maxim ofte bovajo). Ofte la nomo 'hamburgero' anke uzesas por irga semlo kun ca disko. Multa-kaze adjuntesas latugo, tomato, onyono, lardo, ovo, piklo-kukombr(et)i e fromajo, same kam sauci quale mustardo, mayonezo, kechupo o chili-sauco. Ca disho havas multa diferant e regionala variaji.

Variaji

Existas nombroza variaji, inter qui:

   Fromajo-hamburgero: kun fuzita fromajo
   Vejetarala hamburgero: kun remplas-karno (maxim ofte sur bazo di soyo od altra leguminosi)
   Lard-hamburgero: kun fuzita fromajo e loncho de lardo
   Halal-hamburgero: kun halal-buchita karno
   Havayana hamburgero: kun loncho de ananaso
   Fushita Jo-hamburgero: kun hachita karno (ne presit en formo) e sauco
   Chivito-hamburgero: abundante ornita hamburgero de Uruguay
   UnGlut-hamburgero: mikrega hamburgero kom akompanar aperitivo o prerepasto (per 1 glutostroko parmanjesas la hamburgereto)