Kurkurbiti di Halloween

Halloween esas folkloral e pagana festo tradicionala ek la Britaniana insuli qua celebresas omnayare ye la 31ma di oktobro vespere, t.e. la hiero di la Kristana festo di Omna Santi. Olua nomo estas kontrakturo dil Angla vorti All Hallows-Even ("hiero dil Dio di Omna Santi").

EtimologioRedaktar

La vorto Halloween venas de la Angla linguo, senrelate la Irlandana linguo o ula altra Kelta linguo. Ol esas kontrakturo di All Hallows Eve, qua signifikas "hiero dil Dio di Omna Santi". Hallow esas arkaika formo dil Angla vorto holy ("santa") ed even esas kustumala formo por evening ("vespero"). L'ortografio Hallowe'en dauras ultempe uzesar en Kanada e Unionita Rejio: "e'en" ya esas la kontrakturo di even e divenis "een".

PraktikoRedaktar

Nuntempe Halloween celebresas precipue en Irlando, Britania, Usa, Kanada, Australia, Nova-Zelando e, min forte, en multa altra landi.

Segun la nuna tradiciono maxim konocata, la infanti e pueri travestias su per terorigiva kostumi de fantomo, sorcistino, monstro edc. ed iras sonigar an la pordi por demandar friandaji dicante: "Trick or treat!" ("Trompo o bonboni!"). Dum la vespero povas esar anke pirotekni, puerala ludi, lektado di hororo-rakonti o Halloween-poemi, spektado di hororo-filmi, edc.