Golan-altaji

Golan-altaji, Golan-planajo o simple Golan esas kolinoza teritorio inter la sudo di Libano e la sudo di Siria. La teritorio resortisas sub la Siriana gubernerio Kuneytra. Arkeologiala exkavaji montras habiteso di la teritorio depos (adminime) la Neolitiko. La civitani sur la Golan-altaji konsistas de Druzi, alavita araba minoritato e sunia Turkomani; la majoritato konsideras su Siriane e havas Siriana pasporto.

Pro ke de ca teritorio on povas vidar trans granda parto di Israel, l'Israelani konquestis ed okupas l'altaji depos 1967 e komencis establisar kolonii en 1970. L'altaji havas granda strategial importanteso. En 1981 legifabis la Lego pri Golan-altaji. Segun l'Internaciona Yuro l'anexo esas nelegal. Unionita Nacioni kondamnis per diversa rezolvuri, inter qui rezolvuro 497 di la Sekureso-konsilistaro, l'Israelana konquesto, okupo ed anexo. Til hodie insistesas retrakto armeala de la teritorio e negocii kun vicino Siria. Siria postulas rihavar la Golan-altaji apartenant ad olua teritorio, sustenata da diversa rezolvuri di UN.