Ginekologio

Ginekologio (de la Greka γυνή (gyno), "muliero", e -logia, "studio". Tale, "ginekologio" literale signifikas "studio di la muliero") esas fako di Medicino qua traktas pri la saneso di genitala organi di mulieri (utero, vagino, ovarii) e la mami, ed ofte anke obstetriko.

Skemo pri homina riproduktiva organi.

HistorioRedaktar

 
Imajo pri extraktita ovario, portanta kancero.

La maxim anciena medicinala verko pri saneso di mulieri esas la papiro di Kahun, de Egiptia, skribita cirkume la yaro 1800 aK. La texto havis 34 parti, e traktis pri ginekologiala morbi, gravideso, fertileso ed altra temi. La kuraci ne esis kirurjala, e uzis nur medikamenti.

Segun Bizancana enciklopedio Suda, Greka mediko Soranus de Efezo verkis en Alexandria e pose en Roma, e skribis la medikala traktado Gynaikeia.

Usana mediko James Marion Sims judikesas kom "la patro di la moderna ginekologio". Nun kritikata pro ilua praktiki, Sims developis ilua tekniki tra operaci en sklavi, kelk ek li sen anestezio. Sims facis kirurgii en 12 sklavigita mulieri en "hospitalo" quon ilu kreis en lua domo dum 4 yari. Dum ilua kirurgii, ilu invitis medikuli e studenti pri medicino por observar. En un ek la sklavini, ilu facis 30 kirurgii sen anesteziivo. En 1855, Sims fondis l'unesma hospitalo specaligita en homina morbi en New York.

MorbiRedaktar

Exempli pri morbi kuracata da ginekologi esas kancero en genitala organi, sterileso, infektado en genitala organi (sive per fungi, bakterii, protozoi o virusi), edc.

Wikivortaro explikas
ca rubriko
en altra lingui: Ginekologio
Wikimedia Commons havas kontenajo relatante a: Ginekologio