Getto en Dubrowna

Getto en Dubrowna esis de la oktobro 1941 til 6ma di decembro 1941 parto dil urbo Dubrowna (provinco Viciebsk), a qua on force diplasesis Judi de l'urbo e proxima loki dum okupado di Bielorusia da nazista Germania dum duesma mondomilito. Ico eventis kom parto di nazista sistemo di exterminado di Judala habitantaro.

Segun statistiki de 1939 en Dubrowna lojis 2119 Judi, do 21,37 % di omna habitanti dica urbo.

Nazisti okupis Dubrowna de la 16ma di julio 1941 til 26ma di junio 1944, e quik komencis opresir Judi per obligata portado di bando kun Stelo di David ed esado heme pos 18:00. Pose la Judala habitanti on explotachesis por harda labori inkluzite pueri, ofte kune deshumana humiligado.

Nazisti en oktobro 1941 kreis getto kolektinte cirkum 2000 Judi en du domi. Tre amasigita homi traktesis bestiala.

La getto dissolvesis 6ma di decembro 1941. Proxim fabrikerio pri linaji e Judala nekropolo nazisti mortigis super 1500 Judi per mitraliosi. Esis eventi di varsado per gazolino e bruligado viva homi. Kom lasta nazisti mortigis pueri per ruptado di spino sur genuo.

Laborinta por nazisti Judala mestieristi e ilia familii mortigesis en februaro 1942.

Ultre amasa mortigado cirkum 185 homi pafesis esinte en desgranda grupi o unope.

Segun "Katalogo di getti en okupita Bielorusia 1941-1944" viktimi de Dubrowna e proxima vilaji esis 1985 homi, e segun "Sovietiana Enciklopedio di Holokausto" mem cirkum 3000.

En 1944 nazisti esforcis represir sua deshoma krimino uzinte Sovietiana militala kaptiti. Ili mustis extraktir kadavri e brulir oli. Pose ili mortigesis.

Konocata esas eskapi del getto di Dubinski, e ank frati Dimshic e Lapatuhin.

Du personi de Dubrowna – Sciapan e Yewfiemia Reutovich – recevis (en 2001) titulo Yustero inter Populi (n-ro 9290) konferita da instituto Yad Vashem en Ierusalem.