George Herbert, 5ma komto Carnarvon
George Herbert, la 5ma Komto di Carnarvon (n. 26 di junio 1866, m. 5 di aprilo 1923) esis Angla heredala nobelo.
Il havis intereso pri kur-kavali e rapida automobili; en 1901 il esis grave vundata en automobilo-acidento. Il anke havis intereso pri Egiptala arkeologio, ed en 1907 il komencis donar pekuniala susteno ad exkavadi en Egiptia. En novembro 1922, arkeologo Howard Carter, employata da la komto, deskovris la tombeyo di Tutankhamun; Carter e la komto kune apertis la tombeyo e trovis la kontenaji. La komto mortis en Egiptia ye la sequanta yaro, kelka dii pos ke il sufris severa moskito-mordo.