Frédéric Mistral
| Frédéric Mistral | ||
| ||
| Profesiono: | skriptisto | |
| Lando: |  Francia
| |
| Naskodato: | 8 di septembro 1830 | |
| Nasko-loko: | Maillane, Provenco Alpi Azur-Rivo, Francia | |
| Mortodato: | 25 di marto 1914 | |
| Morto-loko: | Maillane, Provenco Alpi Azur-Rivo | |
Frédéric Mistral (1830 til 1914) esis Franca skriptisto en provencala linguo, qua kunpremiizesis per la Nobel-premio pri literaturo en 1904 kun José Echegaray.
Sua unesma verko esis "Mirèio", poemo en dek kanti. Poke konocata esas ke lua unesma edituro publikigesis sensucese en Avignon. Pose, Mistral konocis en Provenco Adòufe Dóumas / Adolphe Dumas qua parolis pri lu a Lamartine, qua skribabis "kursi pri literaturo" en la jurnalo Le Figaro.
Lamartine recevis Mistral en sua domo, askoltis "Mirèio" dum tri jorni e nokti, ed esis komplete seduktita. Do, lu prizentis Mistral en Le Figaro e facis lu celebra.
Lu skribis anke "Calendau", "Lou pouèmo dóu Rose" (La poemo de la Rhono), "Nèrto", la teatro-pleo "Jano de Naple" e l'inmensa vortaro "provencala - Franca, inkluzinte omna dialekti de moderna linguo Okcitana, kun plu kam 70 000 registragi "Lou Tresor dóu Felibrige".
Mistral kreis anke l'asociuro "Lou Felibrige" qua inkluzis omna skriptisti de omna regioni de Langedocia, qua existas til nun.
Lu esis sat inteligenta por ne restir "Capoulié" (chefo di ca asociuro) dum plu kam 4 yari, quale imperis lua statuti.