Florianópolis
| Florianópolis | ||
| ||
| Kelk imaji pri Florianópolis. | ||
|
| |
| Standardo | Blazono | |
| Lando: |  Brazilia
| |
| Stato: | Santa Catarina | |
Informo:
| ||
| Fondita ye: | 23ma di marto 1673 | |
| Latitudo: | 27°35'49"S | |
| Longitudo: | 48°38'52"W | |
| Altitudo: | 3 m | |
| Surfaco: | 675 km² | |
| Habitanti: | 537 213 (2022) | |
| Denseso di habitantaro: | 796 hab./km² | |
| Disto de Brasília: | 1672 km | |
| Horala zono: | UTC-3 | |
| Urbestro: | Gean Loureiro (DEM) (2021-2024) | |
Mapo:
| ||
| ||
Oficala retosituo:
| ||
| https://www.florianopolis.sc.gov.br | ||
Florianópolis esas chef-urbo di la stato Santa Catarina, en Brazilia. Ol jacas an marala insulo anke nomizita Santa Catarina, proxim la litoro. Parto dil urbo (20 km²) jacas an la kontinento. Segun la demografiala kontado di 2022, Florianópolis havis 537 213 habitanti[1]. Lua tota surfaco esas 675 km².
Komerco e servado esas importanta ekonomial agadi por la urbo. Turismo ank esas importanta: lua plaji recevas multa turisti, nome Arjentiniani ed Uruguayani, ma anke Braziliani de altra regioni. La sideyo dil Universitato Federala di Santa Catarina (UFSC), e du kampusi dil Universitato dil Stato Santa Catarina jacas ibe.
Historio
redaktar
Anciena populi habitis insulo Santa Catarina de adminime 4.800 yari aK, quale montras konko-depozeyi konocata Portugalane kom sambaquis, kreita da homal agado. L'insulo anke havas pikturi en roki en multa ek lua plaji. Cirkume la yaro 1000, indijeni tapuia qui habitis la regiono ekpulsesis da populi de etnio tupi, qui originis de Amazonia.
Kande l'unesma Europani arivis en la regiono dum la 16ma yarcento, ol habitesis da indijeni karijo, de etnio tupi. Le karijo praktikis agrokultivo, ma praktikis pesko e kolekto di moluski. Li nomizis l'insulo Meiembipe, signifikanta "monto alonge la maro".
Florianópolis fondesis en 1726 kom vilajo, nomizita "Nossa Senhora do Desterro". En 1737, Portugalana konstruktis fuorti por protektar ol, e cirkume la duimo dil 18ma yarcento la regiono komencis recevar koloniigisti de Acori, ambe por solvar la problemo di tropopulizo dil arkipelago, e samatempe augmentar la habitantaro di la sudo di Brazilia. La koloniigisti kultivis kotono e lino por facar fili e produktar artizanajo di dentelo. Li anke praktikis la pesko di baleni.
Ye la 24ma di februaro 1823, Desterro divenis urbo, divenis chef-urbo di provinco Santa Catarina, e komencis prosperar. Publika edifici konstruktesis, e plubonigesis lua portuo. En 1891 eventis du revolti pos ke marshalo Floriano Peixoto asumis la prezidanteso di la lando sen kunvokar elekti. La revolti ank eventis en Santa Catarina, tamen Floriano Peixoto sucesis represar li ed arestar lia chefi. La simpatiinda di Floriano decidis ribaptar Desterro kom "Florianópolis" (urbo di Floriano) homaje la prezidanto. Altralatere, la revoltinti fusilagesis che fortreso Anhatomirim.
Importanta transformi eventis dum la komenco dil 20ma yarcento, exemple l'expanso di la distributado di aquo, konstrukto di sistemo di kloaki, expanso di elektrala lumizo, e l'inauguro di la ponto Hercílio Luz. En 1927 inauguresis lua aeroportuo, anke nomizita Hercílio Luz, komence por hidroavioni*, ma en 1942 inauguresis lua unesma voyo en betono. En 1943, la nuna porciono kontinentala di Florianópolis anexesis al urbo.
La konstrukto di choseo BR-101 de 1950 til 1960, e di du nova ponti - Colombo Salles, dum la yari 1970a, e governador Pedro Ivo Campos, inaugurita en 1991, anke kontributis por diminutar l'izoleso di Florianópolis relate altra loki. Dum la fino dil 20ma yarcento la habitantaro dil urbo komencis kreskar rapide, pos l'inauguro di la Federal Universitato di Santa Catarina, en 1960, e la kreo di elektrala kompanio Eletrosul, en 1969. Diversa quarteri dil urbo, exemple Jurerê Internacional, urbanigesis rapide.
Dum la komenco dil 21ma yarcento, lua trafiko urbala divenis un ek la maxim mala di Brazilia, nome dum vakanco-monati.
Geografio
redaktar
La litoro di Florianópolis havas multa bayi, peninsuleti, insuleti e lagi. La maxim granda laguno esas Lagoa da Conceição, kun entote 19,71 km². La reliefo dil urbo esas montoza an la centro dil insulo e plana en altra regioni. La maxim alta punto jacas 532 metri super la marala nivelo.
Florianópolis havas varma e humida subtropikala klimato (Cfa segun la klimatala klasifikuro da Köppen-Geiger). La mezavalora temperaturo en februaro (somero) esas 24,6°C, dum ke la temperaturo en julio (vintro) esas 16,5°C. L'urbo influesas multe da sudala venti, qui ordinare esas kolda e sika.
La mezavalora yarala pluvo-quanto esas 1517,8 mm. Ne existas sika sezono, tamen somero esas la maxim pluvoza sezono. La maxim pluvoza monato esas februaro, kun mezavalore 196,9 mm. Dum la historio dil urbo, la maxim granda pluvo-quanto qua falis dum unika dio esis 404,8 mm, ye la 15ma di novembro 1991.
.JPG)
Referi
redaktar- ↑ População em Florianópolis (SC) é de 537.213 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.