Flandria (Nederlandane Vlaanderen, Franca Flandre, Germane Flandern, Latine Flandria) esas la norda regiono di Belgia parolanta la Nederlandana. Lua oficala chef-urbo esas Bruxel, e la regiono koncentras 68,2% ek la habitantaro di la lando.

Flandria e lua provinci

HistorioRedaktar

Flandria kreesis de distrikto di la Karolus-dinastio cirkum Brugge . Flandria developis su sub guverno da enlandala dinastio (862-1119) a nedependanta bilinguala rejio, apartenint a du rejii (Francia e Germania). Sub Diederik en Filip di Alzacia e per suporto da potentoza familii en l'urbi, la komtio Flandria extensis su pluse e pluse.

Dum la Mezepoko, la komtio Flandria iris de la stretajo di Dover til l'estuario dil fluvio Skeldo. De ca epoko, ol esabas importanta regiono di Europa, e l'urbi Gent, Brugge ed Antwerpen esis richa ed atraktis multa artisti.

Pro l'industrio di texit e feltigita lano l'urbi prosperis. Cirkume 1300 la mestieristi e farmisti sucesis impedar l'expanso-politiko di la Franca rejo, qua suportesis dal urbala patricaro. Per la mariajo di heredanta filiino Margareta di Flandria a Filip la Brava (1369), Flandria venis sub la dinastio di Burgundia.