Famino
Famino esas sufrado o hungro generala, produktita dal indijo di nutrivi en tota ula lando o populo. Dum la historio, freque parto de la homaro subisis periodi di prolongita famino. Existas diversa posibla kauzi por famino, exemple militi, agrokultivala plagi o mala vetero. Pos la duesma mondomilito, la teknologiala progreso e la politikala koopero indikas esar posibla diminutar la quanto di personi qui subisas famino. Tamen, segun statistiki de WFP, "cirkume 795 milion personi en la mondo ne havas suficanta nutrivi por satisfacar lia bezoni, to esas, 1 ek 9 homi subisas hungro o mala nutrado".
