Eurodance esas muzikala jenro qua originis en fino di la yari 1980ma kun influi de la stili House-muziko, Techno, Hi-NRG e precipue de Eurodisco. Kun multa uzado di klavara sintetizili, altra elektronikal instrumenti, e repetita exempleri de altra enrejistrita muziki, la ritmo di Eurodance muziki generale havas de 110 til 150 bati per minuto.

2 Unlimited, Nederlandana Eurodance-ensemblo kreita dum la 1990a yari.

La nomo Eurodance indikas ke ta jenro originis unesme en Europa, quankam nun existas Eurodance-grupi en Japonia ed altra landi exter Europa. Inkluzite kelka Usan artisti, quale Lady Gaga e Madonna recevis influi de Eurodance.

La muziki ordinare havas homina vocali, ed kantesas en l'Angla, senegarde la nacioneso di la kantisti o grupi. Tamen, existas kantisti e grupi qui anke kantas en lia propra lingui. Existas multa muziki kreita, pleita ed enrejistrita da disk-jokei e ne da muzikisti o grupi, malgre la disk-jokeo povas kontratar un kantisto por kantar dum l'enrejistro, exemple Anita Doth e Ray Slijngaard (la duo 2 Unlimited), Tania Evans (kantistino de Culture Beat), od Italiana kantistino Alexia.

Kelka notora grupi ed artisti di Eurodance dum la yari 1990ma esis Eiffel 65, Captain Hollywood Project, DJ BoBo, edc.