Epiciklo

Epiciklo en astronomio esis olima geometriala modelo qua uzesis por explikar la vario di rapideso e direciono di la Luno, la Suno e planeti. Partikulare, ol uzesis por explikar l'aparante retroiranta movadi de la kin planeti tillore konocita.

Bazala elementi del modelo astronomiala segun Apollonius de Perga: por lu, planeti parkurus epicikli (mikra cirklo strekizita), qua, su ipsa, parkurus deferenta cirklo (granda cirklo strekizita)

Ol propozesis unesmafoye da Apollonius de Perga, dum la fino di la 3ma yarcento aK e developesis da lu e da Hiparkus de Rhodes, qua uzis ol multe dum la 2ma yarcento aK. Segun la modelo di epicikli, on kredis ke planeti movis en mikra cirklo nomizita "epiciklo". Lor konjektesis ke li parkuris la periferio di cirklo plu granda, tale justifikante la neregulaji videbla quin onu deskovris en la movi di astri.