DDT

DDT ['de-de-te'] esas organika kompozuro senkolora, sensapora e preske senodora e kristalala, havanta kemiala formulo C₁₄H₉C_l5, qua komence developesis kom insekt-ocidilo. Pose, ol divenis nefamoza pro lua ambiental* efekti. DDT sintezesis unesmafoye en 1874, da Austriana kemiisto Othmar Zeidler. La posibleso pri uzar ol kom insekt-ocidilo deskovresis en 1939, da Paul Hermann Müller. Ol komencis uzesar unesmafoye kom insekt-ocidilo dum la duesma duimo di la duesma mondomilito, por eliminar moskiti qui transmisis malario e flava febro. Muller recevis la Nobel-premio pri kemio en 1948 por deskovrar lua uzo kom pest-ocidilo.

En 1962, Rachel Carson skribis la libro Silent Spring en qua el naracis la danjeri di pest-ocidili, exemple produktar kancero en homi e mortigar altra animali, nome uceli. En 1972, l'uzo di DDT en agrokultivo proskriptesis en Usa.