Cochabamba
Aerala fotografuro pri Cochabamba.
Standardo Blazono
Lando: Bolivia
Informo:
Latitudo: 17°23' S
Longitudo: 66°10' W
Altitudo: 2558 m
Surfaco: 171 km²
Habitanti: 632 013 (2012)
Denseso di habitantaro: 1812 hab./km²
Horala zono: UTC-4
Urbestro: Iván Tellería (provizore) (MDS)
Mapo di Cochabamba
Oficala retosituo:
http://www.cochabamba.bo

Cochabamba esas la 4ma maxim populoza urbo di Bolivia. Segun la demografiala kontado di 2012, ol havis 632 013 habitanti. Lua metropolala regiono havis 1 113 474 habitanti dum la sama yaro.

Historio redaktar

Arkeologiala restaji montras ke, komence, la valo ube jacas Cochabamba habitesis da populi chaseri e kolekteri. Pose, altra civilizuro plu bone organizita habitis la regiono cirkume 2 mil yari ante nun. La populi Kana, Quta e Chuwi anke habitesis ibe. Pose, l'Inkai e lua povoza civilizuro, qua praktikis agrokultivo, edukado di bestii, metalurgio e havis organizita armeo, anke okupis parto ek ta valo.

Geografio redaktar

 
Panoramo di Cochabamba.

La reliefo di Cochabamba esas plana, jacanta an valo cirkondata per kolini, di qui du esas remarkebla: la kolino Coronilla o San Sebastián, ube eventis batalio pri nedependo de Hispania ye la 27ma di mayo 1812, e la kolino San Pedro, kun lua 34,2-metra statuo di Kristo, nomizita Cristo de la Concordia, videbla omnaloke del urbo. La mezavalora altitudo di Cochabamba esas 2558 metri super la marala nivelo.

La klimato dil urbo esas mi-arida (Bsk segun la klimatala klasifikuro da Köppen), kun varma dii e kolda nokti. La temperaturi rare falas infre 10°C dum vintri o superiras 30°C dum someri. La mezavalora temperaturo en junio (vintro) esas 12,2°C, kontre ke la mezavalora temperaturo en novembro e decembro (somero) esas 18,3°C. La sika sezono esas longa, ed iras de mayo til oktobro. La pluvoza sezono iras de komenco di novembro til marto. La mezavalora yarala pluvo-quanto esas 362,7 mm, e la maxim pluvoza monato esas januaro, kun mezavalore 94 mm.