Cinque Terre

Le Cinque Terre (pr. chinkwe terre; Liguriana: Çinque Tære, "Kin Landi") esas litoral areo en Liguria, en nordwesta Italia.

Ol jacas en la westo del provinco La Spezia, e konsistas ek kin vilaji: Monterosso al Mare, Vernazza, Corniglia, Manarola, e Riomaggiore. La litoro, la kin vilaji, e cirkondanta kolini omna esas parto de Nacionala Parko Cinque Terre, qua esas Mondala Heredajo-Situo di UNESCO.

Cinque Terre esas populara turisto-destino. Dum la yarcenti, on konstruktis terasi sur la ardua, eskarpa peizajo til la klifi apud la maro. Voyi, treni e bateli konektas la vilaji, nam automobili povas atingar oli de extere nur per streta e riskoza monto-stradi kun granda desfacileso.

Transporto e turismo

Aceso a Cinque Terre per automobilo esas limitizita. Strado a Vernazza esas tre streta e finas ye un kilometro ante l'urbo.

Treni vehas de La Spezia ad omna kin vilaji en Cinque Terre, ultre importanta regional e nacional destini.

Paromo vehas inter la vilaji ecepte Corniglia. Paromo anke vehas a Genoa, La Spezia, Lerici e Porto Venere.