Chittagong

Chittagong
Top view of Nasirabad Zakir Hossain Road (1).jpg
Strado Nasirabad Zakir Hossain e partal imajo pri Chittagong.
Lando: Flag of Bangladesh.svg Bangladesh
Informo:
Latitudo: 22°22' N
Longitudo: 91°48' E
Altitudo: 6 m
Surfaco: 168,07 km²
Habitanti: 2 581 643 (2011)
Horala zono: UTC+6
Urbestro: A J M Nasir Uddin

Chittagong
Oficala retosituo:
www.ccc.org.bd

Chittagong esas la 2ma maxim populoza urbo di Bangladesh, dop Dhaka. Segun la demografiala kontado di 2011, ol havis 2 581 643 habitanti. Lua tota surfaco esas 168,07 km².

GeografioRedaktar

 
Lago Foy.

La reliefo di Chittagong esas partale kolinoza. La mezavalora altitudo dil urbo esas 29 metri e lua maxim alta punto esas la kolino Batali Hill, jacanta 85,3 metri di altitudo metri super la marala nivelo.

La fluvio Karnaphuli fluas sude del urbo. Chittangong havas multa lagi, kreita dum l'epoko dil guverno Mughal. En 1924, Angla injeniori de lokala ferovoyo kreis l'artificala lago Foy (Foy's Lake), por furnisar aquo a la rezidanti di kolonio kreita dal ferovoyala kompanio. Nun, la lago esas amuzo-loko ed atraktivo por turisti.

La klimato di Chittangong esas tropikala kun influo de la musono (Am segun la klimatala klasifikuro da Köppen). La maxim varma monato esas mayo, kun mezavalora temperaturo di 28,6°C. La mezavalora temperaturo en januaro, la maxim kolda monato, esas 19,8°C. L'urbo esas vundebla a la forta cikloni de la nordo dil Indiana oceano. En aprilo 1991, violentoza ciklono frapis Bangladesh e produktis plu kam 138 mil morti en la regiono, e plu kam 10 milion plusa homi senhema.[1]

La pluvoza sezono iras de la duimo di aprilo til oktobro. La mezavalora yarala pluvo-quanto esas 2889,7 mm, e la maxim pluvoza monato esas junio, kun mezavalore 591,3 mm.

ReferiRedaktar