Batalio di Hastings

Batalio di Hastings
Bayeux Tapestry WillelmDux.jpg
Harold Rex Interfectus Est - Rejulo Harold la 2ma mortigesas.
Konflikto:
Dato: 14ma di oktobro 1066
Loko: Battle, urbeto proxim Hastings, East Sussex.
Rezulto: Decidigiva Normanda vinko.
Militanti
Normandia Angli
Komanderi
William la Konquestero Harold la 2ma
Trupi/equipuri
Nekonocata. On kalkulas de 7.000 til 12.000, inter infantrio, kavalrio e arkeri Nekonocata. On kalkulas de 5.000 til 13.000, inter infantrio e kelka arkeri
Perdaji
Plu kam 2 000[1] cirkume 2000 mortinti o vunditi.[1]
{{{perdaji}}}

La Batalio di Hastings esis la lasta kombato inter armei komandita da Harold la 2ma, la lasta Angla-Saxona rejulo, e l'armeo komandita dal duko di Normandia, William la Konquestero. Pretendinto ad Angla trono, William la Konquestero rivovenis a Pevensey ye la 28ma di septembro 1066 ed instalis sua kampeyo proxim urbo Hastings.

Il vartis la rezulto di kombati inter Harold la 2ma, komto de Wessex, su-proklamita rejulo di Anglia, e Harald Hårdråde, rejo de Norvegia. Harold la 2ma esis la vinkero di la batalio di Stamford Bridge. Tamen, sua trupi subisis multa perdaji. Samatempe kam la soldati komandita da Harold la 2ma esis rekuperanta de la batalio, la duko di Normandia desembarkis ye la 28ma di septembro 1066 en Pevensey, sude de Anglia, e preparis en ca loko sua konquesto dil rejio. Harold koaktesis marchar rapide, e rekrutis trupi alonge la treko.

La quanto di soldati en la batalio esas nekonocata, tamen moderna statistiki parolas pri 10 mil soldati Normanda kontre 7000 soldati komandita da Harold. L'armeo Angla konsistis preske tote da infantrio e poka arkpaferi, kontre ke l'armeo Normanda konsistis duime ek infantriani, 1/4 ek kavalriani, ed 1/4 ek arkpaferi. Semblas ke Harold probis surprizar William, tamen la duko recevis informo pri l'atako, ed avancis de Hastings por konfrontar Harold. La batalio duris de 9:00 kloki til sunokusho. Komence, Normandi probis ruptar la siejo Angla, ma pose li decidis trompar l'Angli e simulis retreto, ma pose retroiris ed atakis. Harold mortigesis dum la fino di la dio, e la maxim multa ek lua trupi retretis e vinkesis kande la dio finis. La quanto di mortinti duras nekonocata, ma kelka historiisti kalkulis de 1000 til 2000 Normandi mortinta, kontre 2000 til 4000 Angli.

Pose longa marcho e kelka kombati sude del insulo, William kaptis la rejio e kronizesis rejulo di Anglia ankore en 1066, ye la dio di Kristnasko. Dum la sequanta yari eventis sedicii e rezisti kontre la nova rejulo, ma la rezulto di la batalio di Hastings signifikis la konquesto di Anglia da Normandi. William fondis abadeyo en la loko ube eventis la batalio. On supozas ke l'altaro dil abadeyo plasizesis ube Harold falis mortinta. Anglia e Normandia restis politikale unionida dum granda parto di Mezepoko. Fakte, disputi koncerne ca lasta teritorio, anexita en 1204 da rejio Francia, esis la motivi por Centyara milito (1337-1453) inter Francia ed Anglia.

ReferiRedaktar

  1. 1,0 1,1 Grandes batallas. Los combates más trascendentes de la Historia. Publikigita da Parragon Books. Loko di publikigo: Barcelona..