Artificala satelito

Che kuntexto di kosmala flugado, artificala satelito esas objekto intence pozata en orbito di la Tero. Li recevas la nomo artificala satelito por distingar li de la naturala satelito de la Tero, la Luno.

Du sateliti en la sama geosinkrona orbito.

Ye la 4ma di oktobro 1957, Sovietia lansis l'unesma artificala satelito, Sputnik 1. De lore, cirkume 8900 sateliti, de plu kam 40 diferanta landi, sendesis a la kosmo. Segun kalkuli de 2018, cirkume 5.000 ek li restas en orbito, di qui nur 1900 restas operacala, e la sequanta formacas kosmala eskombro. Cirkume 63% ek l'uzebla artificala sateliti restas en basa orbito, 6% restas en meza orbito (cirkume 20.000 km de terala surfaco), cirkume 29% restas en geosinkrona orbito (t.e., 35.786 kilometri de la surfaco) super l'Equatoro, e la cetera havas elipsatra orbito.