Aracaju
Montagem - Aracaju.jpg
Kelk imaji pri Aracaju.
Bandeira de Aracaju.svg Brasão de Aracaju.svg
Standardo Blazono
Stato: Sergipe
Informo:
Latitudo: 10º54'36" S
Longitudo: 37º04'12" W
Altitudo: 4 m
Surfaco: 181.86 km²
Habitanti: 641 523 (2016)
Denseso di habitantaro: 3 379,45 hab./km²
Disto de Brasília: 1.734 km
Urbestro: Edvaldo Nogueira (PDT) (2021-2024)
Mapo:
Mapo di Aracaju
Oficala retosituo:
www.aracaju.se.gov.br

Aracaju esas chef-urbo di Braziliana stato Sergipe. Segun statistiki por la yaro 2016, ol havis 614 577 habitanti. Lua tota surfaco esas 182 km². Lua metropolala regiono, havanta plusa tri altra municipi (Barra dos Coqueiros, Nossa Senhora do Socorro e São Cristóvão) havas plua kam 938 mil habitanti.

Strado an la centro di Aracaju.

HistorioRedaktar

En 1699 kreesis urbeto en la regiono. Aracaju jacas en plu bona geografiala situo kam São Cristóvão, la maxim anciena urbo di Sergipe, qua esis olima chef-urbo di la provinco Sergipe de 1820 til 1855.

Aracaju esas la duesma maxim anciena projetita urbo di Brazilia, dop Teresina. Lua aciena quarteri semblas tablo por shakoludo. Parto di lua inundebla tereni, olim kovrita da manglieri, drenesis.

Ol divenis chef-urbo di Sergipe ye la 17ma di marto 1855. Lua portuo, proxim la litoro, permisis recevar l'exportacajo di sukro plu bone kam São Cristóvão. En 1884 inauguresis l'unesma fabrikerio di texuri dil urbo, e komencis lua industriala developo. En junio 1886 ol havis nur 1.484 habitanti. En 1920 ja esis 37.440 habitanti ed en 1940 esis 59.031 habitanti. De 1960 til 1980 la habitantaro plu kam duopligis, de 115.713 habitanti til 293.119 habitanti. En 2000, ol atingis 461.534 habitanti.[1]

GeografioRedaktar

 
Avenuo Hermes Fontes.

La reliefo di Aracaju ordinare esas plana, kun basa kolini norde del urbo. Kelka regioni, olim kovrata da manglieri, exemple la nuna quarteri Salgado Filho, Grageru, São José, Porto Dantas e Coroa do Meio, drenesis e kovresis per konstrukturi e stradi. La mezavalora altitudo dil urbo esas 4 metri, e lua maxim alta punto jacas 100 metri super la marala nivelo.

La klimato di Aracaju esas varma e humida (As segun la klimatala klasifikuro da Köppen). La mezavalora yarala temperaturo esas 26,3 °C, e varias poke dum la sezoni. De 1931 til nun, la minima temperaturo enrejistrita en la urbo esis 14,6°C, ye la 30ma di agosto 1966, kontre ke la maxim alta temperaturo enrejistrita esis 34,3 °C, ye la 26ma di marto 1974.

La pluvoza sezono iras de marto til l'unesma duimo di agosto, pro ke la forta venti qui venas desude portas granda humideso. La mezavalora yarala pluvo-quanto esas 1300 mm, e la maxim pluvoza monato esas mayo, kun mezavalore 241,8 mm.

ReferiRedaktar

  1. População das capitais desde 1920 (Portugalana). SkyscraperCity. URL vidita ye la 17ma di septembro 2017.