Alexei Anatolyevich Navalni
Alexei Anatolyevich Navalni (Ruse: Алексей Анатольевич Навальный, IFA: ɐlʲɪkˈsʲej ɐnɐˈtolʲjɪvʲɪtɕ nɐˈvalʲnɨj; n. ye la 4ma di junio 1976 – m. ye la 16ma di januaro 2024) esis Rusian opozantarestro, advokato ed aktivisto kontre korupteso.
| Alexei Anatolyevich Navalni | ||
 | ||
| Profesiono: | politikisto, advokato, aktivisto | |
| Lando: |  Soviet-Uniono Rusia
| |
| Naskodato: | 4 di junio 1976 | |
| Nasko-loko: | Butin, RSS Rusia, Soviet-Uniono | |
| Mortodato: | 16 di februaro 2024 | |
| Morto-loko: | Harp, autonoma distrikto Yamal-Nenec, Rusia | |
| Retoloko: | https://navalny.com | |
Il komencis kom nacionalisto e gradoze divenadis liberalisto e anti-Imperialisto. Kom opozanto di la guverno di Vladimir Putin, Navalni venenagesis, arestesis ed enkarcerigesis. En 2023 la puniso di karcero rikonfirmesis da judicierio centi de kilometri distanta de Moskva, probable por deskurajigar ilua adheranti manifestar kontre ilua puniseso. La toteso di punisi di karcero esas 30,5 yari. Navalni enkarcerigesis en karcero KK-6 en Melehovo.
Depos la 6ma di decembro 2023 Navalni desaparis pos diplazeso. Preske tri semaine plu tarda, la 25ma di decembro 2023, esis nova mesaji da Navalni sur 𝕏. Il diplazesis a karcero KK-3 en la vilajo Harp en Siberia, ck. 1900 kilometri de Moskva e 100 kilometri del urbo Vorkuta.
La 16ma di februaro 2024 Navalni, dum promeno, mortis en karcero KK-3 en Siberia[1].