Afidio

Ica artiklo bezonas revizo da ula persono qua konocas ambe Ido, ed ica temo ciencala, teknologiala, matematikala, filozofiala, sportala, edc.
Ka vu povas helpar ni revizar ol?

L'afidii esas mikrega (longa de 1 til 10 mm, precipue til 4 mm) plantivora insekti apartenanta al superfamilio Afidoidea de la klaso Hemiptera. Preske 4.000 speci esas konocata, klasifikita en 10 familii ; de li, preske 250 speci esas grave nociva por agrokultivo ed arborizo. Inter lia importanta naturala enemiki esas kocineli, sirfi e nevropteri. L'afidii habitas omna landi ma precipue olti kun milda klimato. Li povas lokomocar inter loki tre distanta.

Anatomio

Lia maxim tipikala organo esas la rostro, per qua li perforas e sugas. Li havas mola korpo e tri pari de gambi longa e tenua. Poka afidii havas ali, diafana e membranatra. Ye l'abdomin-extremajo li havas ulspeca kaudo por ekfluigar sukratra substanco quan li sekrecas.

Edukado

Kelka formiki edukas afidii.

Vivo-ciklo

L'afidii esas insekti kun nekompleta metamorfoso, nam la yuno esas semblanta adulto ma subisas mui (admaxime 4).

Existas du genito-tipi, partenogenezala (sen fekundigo) e sexuala, kande li havas min multa nutrivo (dum autuno).

Wikipedio

Wikivortaro explikas
ca rubriko
en altra lingui: Afidio