Acelero
Acelero esas l'intenseso di chanjo di la rapideso di ula movanta objekto.
Nam rapideso, vektorala quanteso, esas rapideso ye partikulara direciono, objekto povas acelerar sive per chanjar sua rapideso, sive per chanjar sua direciono.
Segun la duesma lego di movo da Isaac Newton, acelero esas sempre la rezulto di forco ye objekto; l'acelero A produktita ye objekto di amaso M da forco F esas A = F/M.
L' acelero pro gravito di objekto falanta proxim la surfaco di Tero simbolizesas per g. En aviaco e spaco-voyajo, l'acelero experiencata da homi e mashini mezuresas per multopli di g (ex. 3g).