4ma yarmilo aK

La 4ma yarmilo aK komencis ye l'unesma dio di 4000 aK e finis ye la lasta dio di 3001 aK. Posible dum ca yarmilo la roto esis inventita. La kronologio dum ca yarmilo ne esas preciza, e la yari hike mencionata esas proxima.

Dum la 4ma yarmilo aK eventis, inter altri:

• C. 4000 aK la koloniigo di Oceania da homo komencas de Taiwan.
• 3500 aK - Sumeriana kulturo prosperas. On komencas uzar plugilo e roto.
• c. 3300 aK - En Sumeria, regiono sude de Mezopotamia, komencas tale nomizita "Bronz-epoko".
• 3123 aK - Grandega meteoro shokis la tero ye Köfels, en nuntempa Austria. Dum ke ol flugis super la mez-Oriento vers olua destinata loko, olua fairoza plumo esis suficante intensa por acendar vesti e hari, e tale multi esis ocidata. De ta evento fondesis la legendo di la destrukto di la urbi Sodom e Gomorra. Omno to esas recenta teorio: sur ula argila skrib-tabeleto, (la Planisphere-tabeleto, recente deschifrita), facita cirkume 700 aK en lora Asiria, esas skribita kopiuro di noto-libreto di astronomo de plu frua epoko, qua sorgoze deskriptis la pasado di meteoro tante granda, tale ke on povis dicernar olua formo. La trajektorio di ca meteoro, relate la steli, esis deskriptata. Ol konkordas kun supozata explozo ye Köfels, ube existas evidentajo di tala evento: grandega ter-krulado, diametro cirkume kin km, ma nula kratero, pro ke la meteoro venis de basa direciono.
• 11ma di agosto 3114 aK - Starto di la nuna ero segun Maya-kalendario. La ero finis en decembro 2012.
• 3100 aK - Mikra rejii che la valo di Nilo unionas su ed Anciena Egiptia naskas.