Wai-O-Tapu

Wai-O-Tapu (o kelkafoye: Waiotapu) esas geotermala regiono proxim Rotorua sur la Nordinsulo di Nova Zelando.

Central Pools, fonti di bolianta aquo kun flava koloro pro sulfo.

Wai-O-Tapu en Maori-linguo esas Aquo Sakra.

La parko qua esas acesebla kontre pago, kontenas interaltre la fidebla Lady Knox-"geysir", qua nomesis segun la filiino di siorulo Ranfurly. Ca "geysir" singla dio ye 10:15 kloki spricas aquo e vaporo (da la homo influita) til 20 metri aden l'aero. Apud ol en la parko esas kelka altra vidindaji, quale la Paleto dil Artisto e la Champanio-lageto.

Che Wai-O-Tapu komencas la Nova Zelando-Statal Autostrado 38. Ol iras tra la Kaingaroa-Foresto, alonge Murupara, e sequas kom neharda voyo tra la monti di Te Urewera alonge la lago di Waikaremoana a Wairoa, sur la rivo di Hawke Gulfo.