Venera 9

Venera 9 esis kosmosondilo lancita da Sovietia en 1975. Lo esis komenco di nova projeto por explorar la planeto Venuso.

Postmarko montranta Venera 9

Venera 9 lansesis de kosmodromo Baikonur ye 8 di junio. Ye 22 di oktobro la sondilo atingis Venuso ed esis pozata aden orbito cirkum la planeto. La terveno-vehilo separis su de la orbito-vehilo e decensis vers la surfaco. Dum la decenso, mezurili notis atmosferala preso, vento-rapideso, temperaturo e humideso. Parafali diminutis la rapideso di la terveno-vehilo, ed ol atingis la surfaco ye rapideso di sep metri po sekundo.

Fotografuri transmisesis a la orbito-vehilo, qua sendis oli a Tero. La imaji esis la unesma de la surfaco di Venuso. Oli montris inklinita tereno kun desordinita roki, qui havis akuta anguli; on povis dicernar detali til 100 m de la abordilo. Ye la surfaco, temperaturo esis 485 °C ed atmosferala preso esis 90-opla de olta di Tero. Venera 10, lansita ye 14 di junio, anke esis sucesoza; olua terveno-vehilo atingis la Venusala surfaco ye 25 oktobro; fotografuri montris plana dezerta ceno.