Venera 3

Venera 3 esis kosmosondilo di Sovietia qua atingis la planeto Venuso.

Post-marko di USSR en 1966, montranta medalio por Venera 3

Ol lansesis ye 16 di novembro 1965 de kosmodromo Baikonur. La Venera-projeto di Soviet-Uniono, por explorar la planeto Venuso, komencis en 1961; Venera 3 esis la unesma de la serio qua sucesoze eskapis de Terala orbito. La sondilo kontenis instrumenti por registragar la preso, temperaturo e kompozeso di la Venusala atmosfero; la intenco esis ke ol transmisus ca informeso pos dolca terveno, per parafalo, sur la planeto. Tamen la sondilo cesis funcionar ye 16 di februaro 1966, ed ol kolizionis kun Venuso ye 1 di marto sen transmisar informeso. Ol esis la unesma objekto de Tero qua atingis altra planeto.