Varicelo esas morbo infektoza multe kontagoza, qua aparas precipue che infanti e pueri, karakterizata esencale per pruritanta erupti kun formo di buli en la pelo, qui tandem krustizas. Ol komencas ordinare en la pektoro, en la dorso, ed en la facio, e pose dissemas tra tota korpo. Altra simptomi inkluzas febro, fatigo e doloro en la kapo. Ordinare la simptomi aparas de 10 til 21 dii pos kontakto kun la viruso,[1] e desaparas pos 5 til 7 dii. Tamen povas eventar kompliki, exemple pulmonito, inflamo en la cerebro e bakterial infekti en la pelo.[2]

Adulto kun varicelo en la dorso.

ReferiRedaktar

Wikivortaro explikas
ca rubriko
en altra lingui: Varicelo
  1. (16ma di novembro 2011) Chickenpox (Varicella) Prevention & Treatment. cdc.gov.
  2. (16ma di novembro 2011) Chickenpox (Varicella) Complications (Angla). cdc.gov.