Vaporoturbino

Vaporoturbino esas aparato qua extraktas termal energio de presizita vaporo ed uzas lo por produktar mekanikala laboro uzanta rotacanta ax-arboro. Lua moderna formo inventesis da Charles Algernon Parsons en 1884. Por fabrikar moderna vaporoturbini uzesas specala stalo-aloyuri kun alta qualeso.

Rotoro di moderna vaporoturbino uzata en elektriferio.

Vaporoturbino konstruktita en 1910, kuplita a generatoro por produktar 250 kilowatt.

Pro ke ca turbini produktas rotaca movo, ol povas kuplesar a generatoro por harnesizar la movo en elektro. To esas quale funcionas termal elektriferii, qui povas uzar vaporo produktita uzanta fosila fueli, atomala fuelo, geotermala povo o sunala energio.En 2014, cirkume 85% del elektro konsumita en Usa produktesis da vaporoturbini.