Vapornavo esas navo qua uzas vaporomashino por lua propulso. Por transmisar la forco di propulsado, la maxim anciena modeli uzis paletoroti, qui instalesis sive dope la navo sive lua latero. Modeli plu moderna uzis un o plura helici por transmisar la forco.

Vapornavo kun dopa roto uzata por propulsado.
Modelo pri vapornavo konstruktita da Claude de Jouffroy.

Historio redaktar

Franca Denis Papin ed Angla Thomas Newcomen esis l'unesma inventisti qui probis adaptar vaporomashini por propulsar navi. Papin probis krear vaporomashino qua povus transmisar forco a paletoroti, sensucese. En 1783 la markezo Claude-François-Dorothée de Jouffroy sucesis akomodar Newcomen-vaporomashino a batelo, qua navigis dum 15 minuti an la rivero Saône. Pro mankir pekunio, ilu ne konstruktis altra modelo.