Vali-Asr

Vali-Asr (en la Persiana: خیابان ولی‌عصر) esas avenuo en Tehran (Iran) qua iras de la sudo til la nordo, tranchante l'urbo en du parti. L'avenuo esas arborizita de platani. Vali-Asr esas la maxim longa strado di la mez-oriento.

avenuo Vali-Asr, quartero Abas-Abad, fotografita da Beruz Rezvani

Historio

Vali-Asr esas 7 milii longa. Ol konstruktesis da Reza Sha en 1921, ma vere komencis obtenar olua formo pos l'exileso di Amad Sha, l'ultima Kajar-rejo. Palaci e belega gardeni apartenint al aristokrati, statestri e rejala Kajar-princi destruktesis por olua konstrukto. Reza Sha salvis la maxim bona peci di tereno por su ipsa e sua familio. L'avenuo konektis la palaci di Reza Sha, la vintrala rezideyi en la sudo dil urbo a la somerala rezideyi en la nordo.

La konstrukto di Vali-Asr esis parto di la programo di Reza Sha modernigar Iran, havar la delikateso e belegeso di Franca avenui e majesteso di granda Romana voyo. Reza Sha personale kontrolis la plantaco de 18.000 platani e nomizis l'avenuo segun su ipsa: Palavi-strado (en la Persiana: خیابان پهلوی).

Pos ke l'Islamala Revoluciono en 1979 faligis Mohamed Reza Sha, la filiulo di Reza Sha, l'avenuo rinomizesis Mosedek-strado. Ayatola Komeyni ne aceptis strado nomizita segun Mosadek e pro envidio imperis ke l'avenuo rinomizesez Vali-Asr, segun imamo Madi, l'ultima di la dekedu shia imami.