Urheimat

Urheimat (de la Germana: ur- 'originala'; Heimat: 'domo', IPA: [uʁhajmat]) esas linguistikala termino qua indikas la loko ube ula protolinguo* originis. Pro ke multa populi diplasis su ed expansis lia originala teritorii dum la historio, ne existas unika ed absoluta Urheimat por omna lingui. Exemple: existas Urheimat por la indoeuropana linguaro, ma ol esas diferanta del Urheimat por la lingui Germanala e Romanala. Se l'ancestrala linguo parolesis dum multa tempo en la sama loko ed ol havis skripto, esas plu facila identifikar lua Urheimat, exemple la Romanala lingui.

Diversa posibla loki ube originis la "primitiva linguo Indoeuropana".

Loki ube trovesis kurgan-i de diferanta epoki, e l'Urheimat de pra-IndoEuropana lingui, segun propozita da Marija Gimbutas.

En 1956, Lituaniana arkeologiistino Marija Gimbutas prizentis tale-nomizita "hipotezo kurgan", qua kombinis arkeologio e linguistiko probante lokizar l'origino di la populi qua parolis praIndoEuropana* linguo. Gimbutas nomizis ca populi "kulturo kurgan", Rusa vorto de Turka origino uzata por nomar stranja tumuli trovita en stepi Ukrainana e Kaukazana proxim Nigra maro, qui konstruktesis de la 5ma yarmilo aK til la 3ma yarmilo aK.

Literaturo

• Harald Wiese: Eine Zeitreise zu den Ursprüngen unserer Sprache. Wie die Indogermanistik unsere Wörter erklärt, Logos Verlag Berlin, 2007, ISBN 978-3-8325-1601-7 (Germana).