Transmis-respondilo

Transmis-respondilo esas elektronal aparato qua, kom respondo ye recevita mesajo, emisas diferanta mesajo. Exemple, avioni uzas transmis-respondili por posibligar lua rapida identifiko kande li proximigas aeroportuo od altra avioni, do preventanta kolizioni.

Transmis-respondilo che aviono Cessna, kun kodexo "Squawk" 1200.

Employato de US Fish and Wildlife Service probas lokizar pumao qua portas transmis-respondilo.

Transmis-respondili povas esar aktiv o pasiva. Aktiva transmis-respondili havas propra energiizilo, exemple de baterio od energio per kabli. Pasiva transmis-respondili obtenas olia energio de la recevita signalo. Duesma dicerno esas la posibleso emisar fix o variebla mesajo, en ta lasta kazo la memoro di la transmis-recevilo povas esar transskribita.

Transmis-respondili qui esas pasiv ed emisas fixa mesajo ne bezonas kablo. Transmis-respondilo nur povas komunikar per aparato qua questionas a transmis-respondilo: la questionilo; direta komuniko inter transmis-respondili ne esas posibla. Ecepto esas avioni qui esas equipita de aerotransportala koliziono-preventiva sistemo (AKAS). Olci posedas transmis-respondilo qua inquestas (e respondizas questioni di) transmis-respondili di avioni qui aviacas en la proximeso.