Traktoro esas vehilo automovanta uzata por tranar o shovar remorki, barki, agrokultivala implementi (exemple plugili), ed altra granda o pezoza objekti. Lua roti provizesas per organi por igar lu adherar a la sulo, mem tre inklinita. En kelka modeli, la roti interrelatas per bendo metala quaze-tapisa qua, lor la funciono, aspektas quale raupo movanta, o lua roti esas angulopecoza. Traktori anke havas juntosistemo di falchomashini.

Moderna traktoro uzata en farmeyi.
Traktoro kun haui, por civila konstrukturo.

L'origino di la vorto "traktoro" esas Latina vorto trahere ("tirar, arachar"). Ordinare, traktori havas basa rapideso, ed uzesas en farmeyi od en konstrukti (di stradi, edifici, e.c.). Ank existas traktori kun haui, por exkavar la sulo en konstrukturi.

Commons
Commons havas kontenajo relatante a:
Wikipedio
Wikivortaro explikas
ca rubriko
en altra lingui: Traktoro

L'unesma traktori aparis dum la 19ma yarcento, ed uzis vaporomashini por furnisar traciono. Ica vehili uzesis por tirar plugili en farmeyi od exkavar dreno-kanali. En 1892, John Froelich inventis l'unesma traktoro uzinta gazolino-motoro en Iowa, Usa. Britaniano Dan Albone obtenis komercala suceso kun lua traktoro movita per gazolino-motoro en 1901. En 1926 Harry Ferguson inventis la sistemo di akrocho kun 3 extremaji, qui permisas kuplar diversa agrokultivala implementi, altra mashini, o mem vehili ad ula traktoro.