The Pirate Bay
The Pirate Bay (ofte abreviata TPB) esas enreta indexo di dijitala kontenajo de filmi e molvaro, fondita en 2003 dal sueda pensotanko Piratbyrån, ube vizitanti povas serchar, deskargar e kontributar "magneto"-ligili e "torrent"-dokumenti, qui faciligas interegala ("peer-to-peer") kopiado inter uzanti dil protokolo BitTorrent.
En aprilo 2009, la fondinti dil situo - Peter Sunde, Fredrik Neij e Gottfrid Svartholm - kondamnesis en la proceso "The Pirate Bay" en Suedia pro helpir ye violaco di kopiyuro, e punisesis per un yaro en karcero ed amendo. En ula landi, interreto-provizerii imperesis blokusar aceso a la situo. Pose, "proxy"-situi provizas aceso ad ol. Fondinti Svartholm, Neij, Sunde e Lundström omna liberigesis en 2015 maxim tarde.
The Pirate Bay acendis kontroversi e diskuti pri legala lateri di dokumento-kopiado, kopiyuro, e liberesi, e divenis platformo por politikala inicii kontre establisita legi pri intelektala proprietajo, e centrala figuro en la movado kontre kopiyuro. La situo sufris plura ataki e domen-sizi, e chanjis a serio de nova ret-adresi por dure funcionar.