Tethys

Tethys esas satelito di la planeto Saturno.

Tethys, fotografita da kosmosondilo Cassini. La grandega valo Ithaca Chasma esas videbla.

Ol deskovresis da Giovanni Domenico Cassini en 1684. Ol nomizesis, quale la sep precipua sateliti di Saturno, da John Herschel, filio di William Herschel qua deskovris Mimas ed Enceladus.

La kosmosondilo Pioneer 11 preterpasis Tethys ye disto cirkume 330.000 km, en 1979; Voyager 1 preterpasis on ye simila disto en 1980, e Voyager 2 ye disto 93.000 km en 1981. Cassini de 2004 plurafoye preterpasis ol; en 2005 ol atingis disto 1503 km.

La orbito di Tethys esas cirkume 295.000 km, la sama misfero sempre vers Saturno. Olua diametro esas cirkume 1050 km. Olua konstituceso preske tote esas aquo-glacio, e la glacioza surfaco esas reflektiva; Tethys esas inter la maxim reflektiva objekti en la sunala sistemo. La surfaco kovresas per kolini e krateri; un kratero, Odysseus, havas diametro 450 km. Grandega valo, Ithaca Chasma, havas longeso cirkume 2000 km (tri-quarimi de la disto cirkum la satelito) e profundeso 3 km.