Templo di Artemis

La Templo di Artemis esis Greka templo ye Ephesos, en nuntempa Turkia.

Probabla aspekto di la triesma templo: modelo en Istanbul, Turkia

Ephesos (proxim nuntempa Selçuk en Turkia) longatempe esabis situeso di templo ante la sepesma yarcento A.K.; en ta yarcento la templo destruktesis en inundado, e la konstrukto di nova templo, de marmoro, esis pagita da Kroisos, la rejulo di Lidia de 560 til 547 A.K. (qua, segun legendo, esis imense richa). En 356 A.K. la templo destruktesis pro incendio. La incendianto esis ula Herostratus, qua, segun lora supozado, deziris famo irge-quale la konsequajo; il kondamnesis a morto.

Pose konstruktesis nova templo, la triesma, qua stacis dum plura yarcenti; ol esis un de la Sep Marveli di la Mondo Antiqua. En 268 ol domajesis o destruktesis dum invado di Goti.