Sybren de Boer
Sybren de Boer o Sijbren de Boer (n. Tjerkwerd 12ma di septembro 1869 - m. 22ma di oktobro 1939 Sneek; pron. sibren-de-bur) esis Nederlandan Idisto en la provinco Frizia.
.jpg)
Sro. de Boer esis filio di Friziana familio rurana ed edukesis kom instruktisto. Pos studiir en la „Normal- skolo“ statal (skolo por edukar instruktisti) en Leeuwarden, il esis instruktisto en Den Burg (insulo Texel). Pose il nomizesis skolestro e direktisto di la normal-skolo statal en Sneek. En la yaro 1925 il pensionesis pro mal audiveso, quankam il ne esis tote surda. Il ambiciis studiar lingui ed esis anke tre experta pri matematiko ed astronomio. Ultre la Nederlandana, il savis bone la lingui Friza, Angla, Franca, Germana ed Ido; pluse il studiabis anke altra lingui. Lua kontakto kun Ido komencis en 1927, pos ke il demandis informi pri Ido a P. Wegman[1]. Il ne nur studiis por praktikar la linguo, ma anke por savar, kontrolar ed eventuale defensar la fundamentala principi di ol. Balde il divenis meritoza Idisto e membro di ULI[2].