Standardo di Italia
La standardo di Italia esas la nacionala flago di Italia kun tri egala vertikala bendi verda, blanka e reda.
Esas plura hipotezi pri la signifiko di la standardo:
- Pos la Italiana kampanio di Napoléon Bonaparte, la Italiani inspiresus da la Franciana standardo por desegnar sua nacionala flago kun la kolori dil uniformi dil Lombardiani raliita a Napoléon. Pluse, verda esas anke la koloro preferata di Napoléon;
- La 18ma kanto dil Purgatorio di Dante Alighieri deskriptas Beatrica uzante la kolori dil la tri virtui: blanka por fido, verda por espero, reda por karitato. La standardo uzus ita kolori por montri la katolikeso dil naciono.
- En la Italiana skoli onu docas al pueri ke verda simbolizas la monti Apenini, blanka la nivo di Alpi e reda la sango dil martiri dil tri sendependiga militi di la 19ma yarcento.
Anekdote, kreita en 1889, la Pizza Marherita prezentas la tri kolori dil Italiana standardo.