Apertar la precipua menuo
Standardo di Europa uzata dal Konsilio di Europa ed Europan Uniono

La standardo di Europa esas oficala flago kun 12 orea kinpinta steli (di qui un pinto orientizesas a supre) dispozita cirkle sur blua fundo.

Lu signifikas solidareso ed uniono inter la populi Europana.

Lu adoptesis ye la 9ma di decembro 1955 da la Konsilio di Europa. Depos la 1ma di januaro 1986 lu esas anke la simbolo di omna Europana Komunitati, pose di la Europana Komunitato e fine di Europan Uniono. Tale lu esas la standardo di du aparta interstata organizuri: la Konsilio di Europa (47 membra stati) e Europan Uniono (28 membra stati).